大家如果上expedia訂機票要小心，今日嬲爆，我5月時訂了7月尾的機票，點知月尾比電郵我，話將我登機時間由中午一點幾改左夜晚七點幾，我2/6打番電話去問，佢有個客戶服務的人同我講，我五張機票未成功購買，我即刻問佢，但是你地已經收曬我錢仲比埋電郵確定信我話已成功訂購。佢話唔知道，但而家係無左個機位，仲話可以幫我即時訂過，而之前的款項會七到十個工作天退番比我，到昨天，我上網依然見到佢個行程無變，我覺得奇怪就打去再問，點知佢同我講之前份機票係無取消，我話番佢，咁而家即係點，我咪訂左二份？佢之後話問過主管，會聽番電話錄音，如果係佢地同事出錯會退番比我，叫我等三日。仲要佢地個電話熱線打親去都成十幾分鐘先有人聽，真係唔會再係佢地到訂野。